Ah canna di it.
Ah canna di it.
Ah canna shite fan ahm sweatin’.
It widnae be sae bad if ah wis sittin’ onywhair else, but on a lavvy at an airmy base in Iraq,
Ah shouldnae be here, bit ah hae te. Ah hae te because my brother canna. He’s deid and it’s a’ because o’ mi.
Me and Suze were haein’ bother wi’ een another fan he came hame on leave. She wis hingin’ aff ‘im like a bad smell. They were ay whisperin to een another fan ah wis aboot.
Cliverer cunts thin me woulda bin pure para n’ a’. Ah hae tae assume he kint ah ma dirty little secrets. Like ahm the een that pushed for the abortion ‘n’ fan she needed mi, ah wis oot droonin’ ma sorrows aboot it.
Ah didnae ken fit tae say fan she telt us ‘er da hid cancer. Ah thought just bein’ there fir ‘er wis enough, but she said ah didnae gie a fuck aboot ‘im. Ah did. Ah fuckin’ well di. Ee’s still kickin’ noo because they managed to cut a’ the shite oot o’ ‘im.
She thought ah wis a right selfish cunt and then ah only went ‘n’ fuckin’ proved it.
Ah’d bin oot getting’ sloshed again to avoid the inevitable blowoot wi were on course fur. Bit here’s mi stridin’ doon the road only to find the pair of them gan at it against the door to oor block o’ flats. Ah went fuckin’ mintal and walloped ‘im, bit airmy boy wis mair thin a match fur mi. He got on top ‘n’ he’s lampin’ awa at mi ‘n’ she’s tryin’ tae tear ‘im awa, bit it’s only mackin’ ‘im worse.
Each punch brings a lightning strike o’ brightness afore ma vision dims eftir each een. Ah see ‘er wackin’ awa like it’s a dream. A’hin’ seems so far awa fae mi. She reappears like a ghost huddin’ a metal pipe above ‘er heed. Ah dinna see it come doon, ah just feel the weight o’ the boy landin’ on mi ‘n’ thin ahm oot.
Some cunt’s knockin’ on the lavvy door. Fa the fuck needs mi? Plenty fuckin’ pots to shite in roond here.
“Steven?” asks a posho voice.
“Em, aye. Fits up?”
“It’s me, Will. Can you let me in?”
“Nae really. Ahm tryin’ tae hae a shite, mate.”
“Steven, why have you been avoiding me?”
“Ahm nae avoidin’ ye, mate. Ahm just tryin’ tae hae a shite, like ah said.”
Fa wis the fuckin’ boy. Ah thought Steven might ken some folk, bit ah wis keepin’ ma heed doon. Wisnae wantin’ caught afore ah’d begun.
“Is this how you want this to go? Really?”
“It wasn’t so long ago you had to bite down on your hand to stop yourself screaming my name.”
“How did we end up like this all of a sudden?”
“Fuck off, min. Are you on the wind up?”
Fuck. Ah spoke afore ah mindt fa ahm supposed tae be.
“Hold on. Are you Steven’s brother? What the hell are you doing here?”
Shite.
“Aye. Ahm no Steven.”
“Where is he then?!”
“Ee’s deid.”
“He’s dead-” he cut himsel aff and repeated it again quieter, “he’s dead…”
Ah dinna think either of us hid our greetin’ very well, bit we tried no to let on tae een another.
“How? Why?”
“Ee wis tryin’ tae shag ma missus ‘n’ wi had a fight. It jist wint too far.”
“Went too far? I’ll say, since you’re sitting here and you biggest concern is taking a shit.’’
“For fuck sake, he wasn’t trying to shag your girlfriend because he’s fucking gay.’’
“You fucking idiot.’’
“Did you think nobody would notice the difference? You’ve been here a day and you’ve already all but confessed to me.”
“Aw, this isn’t fucking happening…” He slumped against the lavvy door mackin’ it shudder and rattle.
“It wis her idea. Naebdy wid be lookin’ fir mi back hame ‘n’ wi kint he wis expected back here.”
“Do you understand what this place is?’’
“Why didn’t you and your girlfriend just run away?’’
“I think she’s set you up, to be honest. See, people die out here all the time and nobody cares. Fucking friendly fire happens when you’re shitting yourself about some arsehole throwing themself at you with bombs strapped to their chest.’’
“Time to shit or get off the pot, “mate”,” he said before the sound of ‘im getting’ up and leavin’ came to mi.
The quiet menace in ‘is voice has mi sweatin’ mair thin iver, bit ahm nae thinkin’ aboot onythin’ bit fit ee said.
With tension and fear swirlin’ in ma heed, the other end of mi lets go and ma shite hits ‘e water like a fabled weapon o’ mass destruction. Fuckin’ backsplash is the least o’ ma worries.
. . .
THE END
ABOUT THE AUTHOR
Scott Cumming has been published at The Daily Drunk, Punk Noir Magazine, Versification, and Shotgun Honey.
His poetry chapbooks, A Chapbook About Nothing and The Blue Chapbook, are out now.
He hosts the Modus Operandi: Flash Fiction podcast and runs Waxing Poetic, a YouTube channel devoted to the best recent poetry from around the net.
Twitter: @tummidge Website: scottcummingwriter.wordpress.com
